الواحد كان فاكر نفسه مقطع السمكة وديلها زي مابيقولوا لكن بلا نيلة طلع ان بصة واحدة توديه و مترجعهوش تاني ؛
انا لسه شايفة جملة هي ( حين تجيء النهاية فانه يحسن ألا نطيل فيها ) يعنى محدش كان عارف يقولى الكلمتين دول
قبل كده و كان وفر عليا القهرة و الشحتفة و وجع القلب ؛ اصل انا بعيد عنك من النوع اللي بيطول فى الحاجة ويمط كمان و يفضل يعيط عليها شهر فى الصالون على رأى واحد زميلنا
انا مش عارفة هو العيب فينا ولا فى زمنا ولا فى اهلينا اللى ربونا احسن تربية أو بمعنى أصح زيادة عن اللزوم ولا
مفيش عيب اصلا و احنا اللي مكبرين الموضوع
طبعا لو حد يبقرا المكتوب مش حيفهم حاجة بس احب اطمنك ان انا كمان مش فاهمة او يمكن معنديش الجرأة انى اقول
و احكى علني عن المواقف اللي بتحصل و خصوصا الموقف ده لانه لسه وجعني شوية